Vic & Emily’s Home

今日拎左time off早少少去左家姐度, 諗住同婷婷&桐桐玩一陣….

去到冇耐, 就夠鐘幫桐桐沖涼, 咁我梗係即去睇啦..去睇既同時, 當然拎埋相機入去..kaka~~~

見到佢沖得好開心, 一邊笑, 一邊玩水, 好舒服咁呢~~~~

佢見到我入黎, 仲側住個頭望住我笑, 真係好可愛呀!!!!!!咁我當然就影相啦…佢望住我, 俾我影相不特止, 仲企起身俾我影全身woo~~~相我就當然影左, 不過唔會post出黎, 人地女仔黎架嘛, 點可以俾你地睇蝕晒喎…d相留返我自己慢慢睇, hohoho~~~~

係咪好可愛呢~~~

自己喺度玩水呀~~~

沖完涼, 著返件型女衫…

真係好鬼鐘意佢..成日笑, 又勁可愛~~~

換完衫..喺廳見姐姐畫畫, 佢又想玩…可惜姐姐唔准佢一齊玩…所以佢就硬搶畫筆啦…

當佢搶到支畫筆, 佢就好開心咁笑, 仲要扮俾我, 玩我而家d小朋友真係精!!!

之後姐姐去沖涼, 佢即坐姐姐個位, 喺張紙度狂畫, 真係搞鬼呢~~~

先係度同爸爸, 老爺講聲"父親節快樂!"

今日去左將軍澳幫爸爸慶祝父親節~~~

由於唔想爸媽太辛苦, 我地幾個又冇時間+唔想煮+唔知煮咩..又醒起阿爸鐘意食壽食, 所以今次試下食"板長壽司"..

將軍澳冇分店, 所以我地決定叫外賣, kaka!!!

不過可能假期關係, 又或聽日係父親節正日, 所以多人..佢要成個半鐘先送到黎..oh no~~~原以為佢45分鐘就攪掂添..唯有等啦!!!

好好彩地, 阿哥放工返到冇幾耐, d壽司就送到啦喎, good呀!!!!

板長d壽司都ok, 味道唔差, 都可以有下次~~~

不過我地最後係食唔晒呀…阿哥拎走d, 剩下既阿爸聽日清埋..

睇下我地叫左幾多野!!!

大合照..不過可惜阿嫂唔得閒, 黎唔到, 唔齊人呢~~~

前幾日同事去台南玩, 佢同女朋友買左手信俾我呀…真係多謝你呢..隻企鵝我好鐘意, thx~~~

今次台中之旅, 主要係集合左2家人去, 石家同馬家….

去前同事都有同我講, 有老有嫩, 仲要親家一齊去, 好易嘈交, 係最差既旅行組合really???

不過我地已經咩都firm晒, 唔理咁多lu, 照去…哈哈~~

去完結果當然滿意啦…雖然好多野我地控制唔到, 如天氣, 羊生羊痘..但我地可以做既都做左, 大家亦算玩得開心, 咁咪得羅~~~

呢次旅程後, 我同石生反而仲諗緊之後再一齊去, 因為個feel同自己去or朋友去, 真係好唔同, 係好warm既感覺

真係希望下次快d到, 哈哈~~~

另外…台中我會再黎, 特別係清境…因為今次落雨, 好多地方都去唔到, 好可惜…而且聽"黃慶果"d員工講, 3-4月時係呢度既花季, 好多花都會開晒, 到時會好靚…呢個真係好吸引我..勁想呢個時候黎呀!!!!清境…I Will Be Back!!!!

今次所選擇既住宿同租車都好好, 好值得介紹俾大家…如"黃慶果園民宿"同司機Jack…如果大家有興趣, 可以睇我之前個blog "敬老携幼台中之旅 - 準備篇(住宿及包車)" or問我都得~~~

去完"921地震教育園區", 我地連lunch都唔食, 就趕住返市中心買手信…

司機車我地去既第一間, 竟然冇得試d野食…咁都算啦, 我地趕時間..咁大家都想買鳳梨酥, 呢度有4家喺度..佢舖頭竟然只得兩盒display!!!!喺第間分店拎過黎都只可以拎到total 10盒, 點夠我地咁多家分????個職員仲要不斷浪費我地時間, 狂叫我地買..大佬, 我地都想買, 但你要有貨先得架!!!!!

於是我地又急急腳去另一間….今次去左"太陽堂"…呢間好好多, 可以任試, 仲有大把貨, good呀…

我地喺呢度狂掃貨, 最後連食lunch既時間都冇, 因為大家驚遲左去機場..所以買晒野就即上車去機場啦~~~

不過去到機場, 班機竟然delay半個鐘…oh!!!!!早知食埋個大家都好想試既牛肉麵先啦~~~~

攪掂晒d行李同check-in..諗住睇下機場有冇野食啦….結果係得間勁細, 同雜貨舖連埋一齊既飯堂仔…仲冇台灣出名既牛肉麵..ohohoh..d餐牌係d見到已經唔想食既野…

大人就揀捱肚餓, 婷婷就忍唔到啦…最後喺度叫左個炆牛腩飯..我試過味, 當然唔好食啦…但小朋友太肚餓, 所以都仲仍然話好味!!!

(閱讀全文…)

今朝一早5點幾起過身, 因為想知有冇日出睇…

可惜地, 未落雨, 不過陰天, 多雲, 唉!冇緣~~~~

於是我地再訓過…

7點起身, oh my god, 有少少雨絲, 即係今日冇得去"小瑞士花園"lu~~~

我一定仲會黎"清境"既, 下次我一定要去到!!!!!

梳洗完, 又喺房度影下相, 呵呵~~~

(閱讀全文…)

食完小食, 婷婷話要睇動物, 於是就開始左我地既冒險之旅啦~~~

司機話有一條路可以行入去睇動物, 我地就跟住佢行啦..

當時就冇咩落雨, 不過d雲好勁, 好多, 前後d景都唔係好睇得清楚, 大家好似行緊入仙境咁, 哈哈~~~

呢幅似唔似入左仙境呢~~~

(閱讀全文…)

行完山, 淋完雨, 又好凍, 所以我地去左"松雪樓"飲杯薑茶, 食d野, 暖下身先~~

呢間d野喺台灣算係貴, 不過相比香港, 呢餐就好平啦…d食物味道都唔錯, 我地悠閒地high tea左一陣~~~

(閱讀全文…)

今日已經係第三日啦…

原本已經預左今日又係落雨, 點知一睜開對眼, 竟然見到出面有陽光呀!!!!!

即刻彈起身, 大叫出太陽啦~~~~今日我地要同陽光玩遊戲呀~~~哈哈, 勁興奮!!!!

大家快快咁梳洗完, 執好晒d野, 就佢有佢影相, 我有我拍video~~~

間房出面好靚呀~~~~~

(閱讀全文…)

去完紙教堂, 我地就去廣興紙寮..呢度主要係睇下造紙既過程, 小朋友亦可以俾錢試下整d紙製product….

其實黎呢度都ok, 好多野睇, 亦有導遊講解..不過可惜今次我地個導遊麻麻, 佢好似好趕時間咁, 我地未睇完佢就催去下一個地方…佢講野細聲又快, 好多時都聽唔到佢講d咩..唉唉!!!

婷婷都喺度整左個掛牆畫..佢好努力咁打呀打呀, 都整左一段時間先整完, 所以完成後, 佢都同我講"整到成個人都好攰呀!"…哈哈.由佢呢個小朋友個口講出黎, 加埋d童音, 呢句說話真係好得意, 攪到我都忍唔住笑..哈哈~~~

可以食既紙, 原本我地都想試架, 可惜間舖冇開呢~~~

(閱讀全文…)

一早起身, 出面竟然好彩地只係天陰陰冇落雨呢..即刻趁雨未黎時影d靚靚相先~~~

(閱讀全文…)

黎到"車埕", 第一站就係去舖試梅子酒…我地全部人都唔太飲酒, 所以都係志在試下~~

試完就喺附近到處參觀…下圖呢個以前係用黎吊木材架..d木材會放喺d水入面, 等佢地繼續生長, 再運去第度用~~~

途經呢間"木桶便當店"..之前上網見人話味道普通, 價錢又貴, 所以冇試, 只係影左相only~~~

(閱讀全文…)

今朝未到8點就起身lu…梳洗完, 再執多陣野, 就出發去青衣城join四大長老啦…

我地約左一陣喺青衣城坐機場快線去機場…等埋家姐同婷婷就出發lu~~~~

睇下佢地幾開心..哈哈~~

到左機場, 我地先去Terminal One check in..之後就去返Terminal Two, 家姐去拎入台證, 我地就去左美心度食個簡單既早餐…

由於家姐之前入錯左少少野, 婷婷個入台證整左好耐, 所以佢用5分鐘食完個麵就要入去登機啦…

好彩我地去到啱啱好夠鐘排隊登機…仲要有婷婷喺度, 唔駛排, 可以早d上機, 真開心

起飛左冇幾耐, 石生就1個人幫我地8個人填入台表, 攪到佢成個飛行時間都冇空閒過呢….真係辛苦你啦

呢個飛機餐個飯我完全冇掂過呢, 因為唔肚餓, 再加上阿爸話唔好味, 所以skip佢…呵呵…

(閱讀全文…)